Agnese Fabbri
|
Agnese Fabbri
Brazé La név la’n gn’éra mo l’éra coma ch’la i fos. A so sól ch’a séva a e’ mònd, avéva dal braz lònghi, da fê’ e’ žir de mònd e brazêl. Te t’am tniva streta, par nö fêm invulê’ in tot che fred. U m’pê’ impusèbil mo in cla nöt giazêda, a sen sté bon d’stê’ tot du sot’una cvérta. A e’ bur, zet, a cuntês di fët. …Incóra adës a m’dmënd se t’avnires cun me in žir ins un lët, stanöt, int e’ zil coma agli astronaute, a gvardê ignacvël d’in êlt. E cun piò ch’a végh luntân cun piò ch’a so indo ch’a stëgh. Sól cvând ch’a so ‘riva d’cò u m’ven int la ment com ch’u s’fa a andês a ca. |
Abbracciati. La neve non c’era ma era come se ci fosse. So solo che ero viva, le mie braccia erano lunghe, da fare il giro del mondo e abbracciarlo. Tu mi tenevi stretta, per non farmi volar via in tutto quel freddo. Mi sembra impossibile ma, in quella notte gelida, siamo riusciti a state tutti e due sotto una coperta. Al buio, zitti, a raccontarci storie. Persino ora mi chiedo se verresti con me in giro su un letto, stanotte, nel cielo come le astronaute a guardare tutto dall’alto E più vado lontano più so dove abito. Solo quando sono arrivata in fondo mi ricordo come si fa a tornare a casa. |
