Albino 'd Sintinël
|
lbino 'd Sintinël
E SE E se e mêr u s’impasès e e’ zil u s’infughès e se i fiom i-s sulidèfica e al furësti al-s cementèfica e se e’ vent e’ va in timpësta e la žent la pérd la tësta me, da par me, sa faröia? e se e’ bšogna andê’ avânti, me, da par me, indóv andröia? PAURA A m’avléva arvì’ còma una pavaraza par dê’ e’ sugh a qualcadon mo a jò avù paura, ad dentar: a s’éra sech còma una ciudëla E pu t’a-m ci vnuda in tla ment te... SE T’A M’ARCURD La séra dal vita la-m dà dal surpreši: e’ sângv e frež, dal vôlti, int al vén strachi, mo nench pinsèndi ben a-n sö cvel ch’e’ sia. Parò, se t’a m’arcurd a jò piò chêra. LA MI CHERTA D’IDENTITÊ Mè a so mè, lò l’è lò, cl’êtar l’è cl’êtar a söja stê’ cêr Parchè l’è mei capis sobit senza fê’ cunfušion Mè a sö me e basta Air a sö andê da e’ barbir a tajêm la bêrba e tot, döp, a dî’: ël lò, a n’ël lò Sa vlì ësar sicur ad chi ca sö (e ad quel ch’a degh) ciapiv la briga d’avé’ a kinfê’ cun me: guardim ad dentar Cun o senza la bêrba (ch’a jò lutê una vita par ësar me stes) a-m ciâm: Albino ad Sintinel (det Oddo) Ned a Cascion d’ Ravena Int l’Armaia, de quarant’on. L’ETERNITE’ A voi fê’ una puišì sota, seca còma una schegia, a voi intrê’ int e’ zarvël senza una frida sól cun e’ pinsir. A voi avdé’ la veritê šnudêda, ardùšum int un gnint par ësar a e’ zentar de’ mònd. Sól s’a sarö bon d’ësar me par un àtum avrö campê un’eternitê. ÊRIA GIAZA (Žnov nuvembar domelacvàtar) U m'è cadù in tla copa una muntagna l'êtar dè long la strêda. A-m sö farmê un atum par respirê mei: mo l'êria l'éra giaza… e sobit döp am sö sintì una frida a e’ côr. A PÔCH A PÔCH E l'ânma nascösta l'arluŝéva (s'l'éra li) sol dal vôlt, zughend a cuch, ad drida a i puch pinsir ch'avéva. E me strach môrt, stéŝ int e’ lët de ŝbdêl, a giuŝéva rindèndum cont, a pôch a pôch, d'ësar incóra viv CUNTINTEZA Ajr cal burdëli al m'à supurtê par mëž'ora: agli ò turmintêdi cun al mi puiŝì. Agli'è brêvi cal burdëli . . . . Al fa cont ad interesês al mi bagianêdi . E me a sö cuntent ad ësar tôlt in žir A E’ MÊR E u s’avdéva a l'êlba e’ sól ros fugh int e’ spëc dl'acva turchena e agl'òndi biânchi luntân c'a-n s'afarméva mai e nó, cun e’ did sota la sabia a zarchegna al puvraz cuntent int e’ fresch de dè apeňa fat A-N VEGH L'ÓRA Còma ch’e’ câmbia e’ mònd: e mi sângv u s'éra abituê a la puletica fêlsa, a la television mêrza, a i giurnél buŝédar. U s'éra abituê nenca al nustreňi, e’ mi sângv u li supurtéva ben: mo al nôvi nö u-n li supôrta piò! A-n vegh l'óra ch’e’ pasa st'instêda u j’è tröp zanzêli-tigre SAFFICA Còma la dólza méla rosa int la veta de râm, (piò so, int la zima dla veta piò êlta) l'a-n fò côlta da e’ cuntaden, acsè tsi te. U n’è ch’a-n t’épa vest: a-n sö stê bon ad ciapêt NENCA S’U J'È E’ SÓL Int j’óc e’ nìgar dla nöta e de sön. A sö strach môrt, fórsi a n’u-m sveg piò ad mateňa, nenca s’u j'è e’ sól. SÓL PAR UN ÁTUM A sö stê alégar parec vôlti, a sö stê cuntent quéŝi sèmpar, a sö stê quéŝi ben par tot la vita: ma la felizitê l'è un êtar cvël. Int la mi vita a sö stê feliz sól par un àtum. e l’è ža una masa. Se t’an pu ësar S’tan pu ësar un êlbar t'sia un fiôr, mo e fiôr mat pió bël de prê; s’tan pu ësar 'na stëla t'sia una nuvla, mo la nuvla pió strampalêda de zil; s’tan pu ësar un capitèni t'sia un suldê, mo e suldê pió curagiòs dl'esërcit; s’ tan pu ësar e tu ideêl, e gnit ad gnit t'pu ësar, 'tsia sèmpar e sôl te stes. E pu incôra “Putanóna vigliaca zonza vaca” l’è la mi biastèma cvând ch’a so instizì e fórsi e Signór um pardóna, e um ta da stê in Paradis, mo me adës a so incazê par la guera in Ucraìna e a voi armané a l'inferan: “Putanóna vigliaca zonza vaca” e pu incóra: “Putanóna vigliaca zonza vaca” |
lbino 'd Sintinël
E SE e se il mare s’avvizzisce ed il cielo s’infuoca e se i fiumi si raggrumano e le foreste si fanno di cemento e se il vento muta in tempesta e la gente perde la testa io, da solo, cosa farò? e se bisogna proseguire io, da solo, dove andrò? PAURA Volevo aprirmi come una arsella per dare il sugo a qualcuno ma ho avuto paura, dentro: ero secco come un chiodo Poi mi sei venuta alla mente tu... SE MI RICORDI La sera della vita mi reca sorprese il sangue frigge a volte nelle vene stanche, ma anche pensandoci non so ciò che sia. Però, se mi ricordi ho più piacere. LA MIA CARTA D'IDENTITÀ Io sono io, lui è lui, quell’altro è quell’altro sono stato chiaro? Perché è meglio capirsi subito senza far confusione Io sono io e basta Ieri sono andato dal barbiere a tagliarmi la barba e dopo tutti a dire: è lui, non è lui. Se volete essere sicuri di chi io sia (e di quel che dico) prendetevi la briga, di aver a che fare con me guardatemi dentro Con o senza barba (che ho lottato una vita per essere me stesso) mi chiamo: Albino ad Sintinel, (detto Oddo) Nato a Castiglione di Ravenna nell’Armaja, nel quarantuno. L'ETERNITÀ Voglio fare una poesia senza eccessi secca come una scheggia. voglio entrare nel cervello senza una ferita solo col pensiero. Voglio vedere la verità denudata ridurmi in un niente per essere al centro del mondo. Solo se sarò capace di essere me stesso per un attimo avrò vissuto un’eternità. ARIA FREDDA (19 nov. duemilaquattro) M’è caduta addosso una montagna l’altro giorno lungo la strada. Mi sono arrestato un attimo per respirare meglio ma l’aria era fredda… e subito dopo ho avvertito una ferita al cuore A POCO A POCO E l’anima nascosta risplendeva (se era lei) solo a volte giocando a rimpiattino alle spalle dei pochi pensieri che avevo Ed io stanco morto steso in quel letto d’ospedale godevo comprendendo a poco a poco, d’essere ancora vivo CONTENTEZZA Ieri quelle bambine mi hanno sopportato per mezz’ora: le ho perseguitate con le mie poesie. Sono brave le piccole... Fanno finta di interessarsi alle mie inezie. Ed io sono contento di essere preso in giro. AL MARE E si vedeva all’alba il sole rosso fuoco nello specchio dell’acqua turchina e le onde candide lontano che non si fermavano mai e noi, col dito sotto la sabbia cercavamo arselle contenti nella frescura del giorno appena fatto NON VEDO L’ORA Come cambia il mondo: il mio sangue s’era abituato alla politica falsa alla televisione corrotta ai gornali mentitori. S’era abituato anche alle nostrane il mio sangue le reggeva bene: ma le nuove no non le sopporta! Non vedo l’ora che passi questa estate ci sono troppe zanzare tigre. SAFFICA Come la dolce mela rossa sull’apice del ramo più su, in cima alla vetta non fu colta dal contadino, così sei tu. Non che non t’abbia visto non sono stato capace di coglierti. ANCHE SE C’È IL SOLE Negli occhi il nero della notte e del sonno. Sono stanco morto, forse non mi sveglio più domattina, anche se c’è il sole. SOLO PER UN ATTIMO Sono stato allegro parecchie volte, contento quasi sempre, sono stato quasi bene per tutta la vita: ma la felicità è un’altra cosa. Nella mia vita sono stato felice solo per un attimo ed è già tanto. Se non puoi essere Se non puoi essere un albero sii un fiore ma il fiore più bello del prato se non puoi essere una stella sii una nuvola ma la nuvola più stravagante del cielo se non puoi essere un capitano sii un soldato ma il soldato più coraggioso dell'esercito se non puoi essere il tuo ideale e niente di niente puoi essere sii sempre e solo te stesso E poi ancora. “Putanóna vigliaca zonza vaca” è la mia bestemmia quando sono arrabbiato e forse il Signore mi perdona, e mi aspetta in Paradiso, ma io adesso sono incazzato per la guerra in Ucraìna e voglio rimanere all'inferno: “Putanóna vigliaca zonza vaca” e e poi ancora: “Putanóna vigliaca zonza vaca” |
