Giuseppe Cantoni
|
Giuseppe Cantoni Vo ch’a si bon Signor a la so de sid u i n’èpar tot che e’ paradis l’è svérs cme l’univers, sinò vo a s l’avrèsuv det. Sol e’ pasag l’è stret. Cma s’ fal a fê’ un paradis grând grând e al porti streti! E po un architet cme vo? Signor, slarghìli, slarghìli pu cal porti, vo ch’a si bon! Finestra èlta E' mi buş ad cuşeina int la cuntreda e' scur sufét a castùn la finestra èlta cun la frèda un s' veid al ca, no e' via vai dla strèda: e' mond e' rèsta adlà, cun i su sun. La faza dla lôna şmangagnéda la bóta un' ucéda ad pasag, a la su ora, travers a la frèda, ucéda d'intesa, careza giaza ch' la fa pu curaġ. E' raż l'azend la spicira de cadein e po via via l' arluş tot quel ch’ e’ luta piò 'd nun: al tàtar sora l'às de camèin, e' fèr da stir, i litràt mi vidar de vèč cardanzèin, calzidar, brochi ad reim... e' tu tulir. E' zeirca cantùn d'ombra du ch' j' è pirs i tu şguird, i tu pinsir, i bel ricurd al pochi parol deti, dolzi e duri dentar che nid ad trop silenzi, rot da scricladéz ad triv, vent ad fisuri. E' pareva parfina i vles di quèl, dal volt, cun i su ciul, i triv, cme par lamantès d' un mèl, d' un ché dulurèint de nost avsù, o sol pr' e' chèld, e' fred, i piş trop griv. |
Voi che siete buono. Signore lassù del posto ce n’è per tutti che il paradiso è smisurato come l’universo, se no voi ce l’avreste detto. Solo il passaggio è stretto. Come si fa a fare un paradiso grande grande e le porte strette! E poi un architetto come voi? Signore, allargatele, allargatele pure quelle porte, voi che siete buono. Finestra alta. Il mio buco di cucina nella contrada, soffitto scuro a cassettoni la finestra alta con l'inferriata, non si vedon le case né il via vai sulla strada: il mondo resta di là, con i suoi suoni. La faccia della luna ammaccata getta un'occhiata di passaggio a la sua ora, attraverso l'inferriata occhiata d'intesa, carezza gelida che fa pur coraggio. Il raggio accende la specchiera del catino e poi via via riluce tutto quel che dura più di noi: le cianfusaglie sull'asse del camino il ferro da stiro, i ritratti sui vetri della vecchia credenza, secchi, e brocche di rame... il tuo tagliere. Penetra angoli d'ombra dove si son persi i tuoi sguardi, i tuoi pensieri, i bei ricordi, le poche parole dette, dolci e dure, dentro quel nido di troppi silenzi, rotti da scricchiolio di travi, vento di fessure. Sembrava perfino che volessero dir qualcosa, a volte, coi loro cigolii, le travi, come per lamentarsi d'un male d'un sentore dolente del nostro vissuto, o solo per il caldo, il freddo, i pesi troppo gravi. |
