Laura Turci
|
Laura Turci E’ mi ba E’ mi ba l’è môrt da par se, int e’ ‘bšdêl, la matena prëst. E pu gnint. Parchè la môrta la-n s’conta. La môrta la-t s’insteca indentar e la-t fa tent buš dóv ch’u i pasarà la tu vita. In ca A stê trop in ca e’ mònd u-t’s scréca adös e t’a-t scurd nench ad gvardê’ da la finëstra. Aglj’ösi al s’amocia óna sóra cl’êtra e t’dvent znin còm’un babin e t’invei a ‘rmulinê’ cun la tësta. T’è voja d’un cvël, pu d’ cl’êtar mo t’a-n t’šmêš e e’ côr u-t trampala che l’è ža vnu séra, e la tu žuvantò l’è una parôla in boca a chj’étar. A e’ câmpsânt A e’ câmpsânt l’è pin d’vec nö murt, viv. I-s šmêša cun la grêzia d’na balarena straca, i dà la porbia a i fiur i scor cun cvi ch’i pasa. Me a-n n’ho alšir; int i vidar dal capëli a gvêrd la mi faza e a-m dmând se i murt i-m véd e s’a m’ho da tajê’ i cavel, un pinsir alžir int un’êria basa. Sota i pi una foja seca, fena tlarâgna ad bochi svuiti, la creca int e’ salghê. ABRÌL I dè i cór via svìlt cumpagn a burdél fura dla scöla. "Alsir" l' è un sogn franzés fat ad gambi stug-lèdi a e' sol d'abrìl, ch' u m' inciöda int e' mèz dla strèda. Mo a gl'è tóti maravéj... A scriv accè, in cusêna, drì a i furnéll, un oc int e' foj e un oc a e' sufrét. Ste parlè l'è cumpagn'a moschi ch'al peccia int i vìdar, una córsa ad bastérd int e' salghê. Sé, a jò capì, t'a m'é capì, a jò int al mân un ruşlaz ad chêrta fena ch'u pè vér, basta ch'u-n pjuva. Zogn La pôrta la s’è vérta al zriśi al dà e’ sang a l’istêda. al źghèli la vośa, I burdel, ir piśinin, i s beśa saibédgh da spes i mur infughì. I s diś dal parôli véri cumpagna di righél sora l’altêr. I sa che l’anma de fugh La j è int la fiamba no int la rinsida. E int e’ ślergh d’un béś sânza sparagn nè pérsita l’è tota luś da luś. la pôrta la s’è vérta. UTÒBAR A j avéva da dêt Una méla ingarnêda, spachêda int e' mëẓ da una carvaja ch' la parëva una frida, tröpa fata par stê d' astê. Pr' un ciochè t' è fat, o det, un abràz, un beṣ, un quël, la s' è ‘verta da par sè. E t' è magnê un garnël, sânza pinsê che e' pôch u po' tnì indrenta e' purasé, e' prema, e' döp, la radiṣa, e' fiór, la carvaja, l' amór. |
Laura Turci
Mio padre Mio padre è morto da solo all’ospedale di mattina presto. E poi niente Perché la morte non si dice. La morte ti si infila dentro e ti fa tanti buchi nei quali passerà la tua vita. In casa A star troppo in casa il mondo ti si chiude addosso e ti scordi anche di guardare dalla finestra. Le ossa si ammucchiano una sull’altra e diventi piccola come un bambino e cominci a fantasticare. Hai voglia di una cosa, poi d’un’altra ma non ti muovi ed il cuore barcolla che è già venuta sera e la tua gioventù è una parola in bocca agli altri. Al camposanto Al camposanto è pieno di vecchi non morti, vivi. Si muovono con la grazia di una ballerina stanca, danno la polvere ai fiori chiacchierano con i passanti. Io non ne ho voglia;sui vetri delle cappelle guardo il mio volto e mi chiedo se i morti mi vedono e se dovrei tagliarmi i capelli: un pensiero volubile in un’aria greve. Sotto i piedi una foglia secca fine groviglio di bocche vuote scricchiola sul selciato.. APRILE I giorni corrono via veloci come bambini fuori da scuola. Alsir(1) è un sogno francese fatto di gambe distese al sole d'aprile, che mi inchioda nel mezzo della strada. Ma sono tutte smancerie... Scrivo così, in cucina, vicino ai fornelli, un occhio al foglio e un occhio al soffritto. Questo parlare è come mosche che picchiano sui vetri, un corsa di bambini nel selciato. Sì, ho capito, mi hai capito, ho nelle mani un papavero di carta fine, che pare vero, purché non piova. Giugno. La porta si è aperta le ciliege danno il sangue all’estate, le cicale la voce. I ragazi, ieri pulcini, si baciano selvatici dietro i muri infuocati. Si dicono parole vere come doni sull’altare, sanno che l’anima del fuoco è nella fiamma non nella durata. E nello slargo di un bacio senza risparmio né perdita è tutta luce da luce. La porta si è aperta. OTTOBRE Avevo da darti Una melagrana, spaccata nel mezzo da una crepa che sembrava una ferita, troppo matura per aspettare. Per un qualcosa che hai fatto, o detto, un abbraccio, un bacio, una parola si è aperta da sola. E hai mangiato un chicco, senza pensare che il poco può contenere il molto, il prima, il dopo, la radice, il fiore, la crepa, l' amore. |
