Maurizio Livio Gasperoni
|
Maurizio Livio Gasperoni
“Dù suld al furmai”. Dù suld ad furmai la ten poch post, un po’ ad ministroun, do scuciarèdi ad réis. Ormai u jé armast ad che la tèsta, e t’an sé mai quèl c’la jepa ad dràinta, quel ch’la s’apinsa. Sa chi gambarél, ta la véi s’la garnèda tàl méni, e tott t’un mumàint la’n gn’é piò. Mò dù sarala? Po’, pràima che faza scour t’vei chi du ucioun spartéi chi réid: “ciao Livio”. Du suld ad furmai la è d’let a qué. La préiga un po’, la sfà un po’ ad miso* t’e’ ministroun, la’m fa boca da réid intent ch’la magna, e t’un sbress t’an la vì piò. Mo dù sarala? Dù suld ad furmaj.. La mi surèla. L’usèl Dino ad Bicigoun l’à sèmpra dét: “féna a vaint an t’cì un burdèl, dai vaint ai trénta t’à n’é la tésta, dop i quarènta e’ cmeinza a calè, a zinquènta un và piò…! U t’armasta chi dis an fra i trénta e i quarènta”. Mé, quant ì m’è dmanda, a degh ch’a n’ò quarèntanov. Mò l’è un pèz ch’al dégh… Ménga L’à ravié a piov zo mé viél di Platani. Ho fat un zéir da la Cagnouna féna a Burdouncia, e ho pirulè un pèzz pr’Igea, sl’aradio t’agli uréci. Avrebb chèra d’incuntrèt, Ménga, d’avdai ad faza t’à jè adess, dop a tènt témp. Chisà se adèss t’am guardaress ancoura acsé, ad spuntoun. Masé trà i cavell, i tu occ im piaséiva, mò a’n’um j’arcord piò, bén. A’ m’arcord cum t’faséivti a réid, e am mòr da la curiosità ad santei sé t’fè ancoura acsé. Mò do ch’t’àt bòtt tòt i sabat Ménga? Un pasa stména ch’an vegna zò mè Port pr’avdai s’a s’imbatemm òun int cl’élt. Adess è zeja e ui dà piò fort ancoura e la zénta j’à smessa ad ziré, un pasa piò niséun. Zo ma la tu stréda ho vést i munifést de tu ba, Ménga, Pitadòin lè un an ch’us s’n’é andè. Um feva sudiziòun Pitadòin, quanrent’an fa, adéss ch’a n’avrebb piò sudiozun… t’a n’i si piò zo m’e’ Port, Mo duò cì andeda a finei? T’ciaré guenta nòna, Ménga. L’à smess ad piov, j’à tàch a zirè d’élt, ch'e’ sipa la volta bona? Mò dù sarala la Mènga? Pu i dis che e’ mònd l’è znin.. *miso> consommè sostitutivo del dado, ottenuto dalla fermentazione dei semi di soja, utilizzato per insaporire in maniera naturale minestre di verdura ed altre pietanze. |
Maurizio Livio Gasperoni
"Due soldi di cacio". Due soldi di cacio tiene poco posto, un po’ di minestrone, due cucchiaiate di riso. Ormai c’è rimasta solo la testa, e comunque non sai mai cosa c’abbia dentro, cosa pensi. Con quelle gambe magre la vedi con la scopa in mano e il momento dopo non c’è più. Ma dove sarà? Poi prima che faccia buio vedi quei due occhioni spalancati che ridono “ciao Livio”. Due soldi di cacio è di nuovo qui. Prega un po’, disfa un po’ di miso* nel minestrone, mi sorride mentre mangia, e in un momento non la vedi più. Ma dove sarà? Due soldi di cacio.. Mia sorella. L’uccello Dino di Bicigòun ha sempre detto: ” fino a vent’anni sei un bambino, dai venti ai trenta non hai la testa, dopo i quaranta comincia a calare, a cinquanta non va più...! Ti rimangono quei dieci anni fra i trenta e i quaranta”. Io, quando me lo chiedono, dico che ne ho quarantanove. Ma è un pezzo che lo dico…. Ménga Ha iniziato a piovere giu per il viale dei Platani. Ho fatto un giro, dalla Cagnona fino a Bordonchio, e ho gironzolato un po’ per Igea, con la radio nelle orecchie. Mi piacerebbe incontrarti Ménga, di vedere che faccia hai adesso, dopo tanto tempo. Chissà se mi guarderesti ancora così, di sbieco. Sguardo nascosto fra i capelli, i tuoi occhi mi piacevano, ma non li ricordo così bene. Ricordo come facevi a ridere, e muoio dalla curiosità di sentire se fai ancora così. Ma dov’è che vai tutti i sabati Ménga? Non passa settimana che non venga giu al Porto, per vedere se ti incontro. Adesso sono lampi ancora più forti, la gente ha smesso di girare, e non passa più nessuno. Giù pe la tua strada ho visto i manifesti a lutto di tuo padre, Ménga, che è un anno che è morto. Mi faceva soggezione, quarant’ann fa, adesso che non avrei più soggezione… non ci sei più giu al Porto. Ma dove sei finita? Sarai diventata nonna, Ménga. Ha smesso di piovere, hanno iniziato a girare ancora, che sia la volta buona? Ma dove sarà la Ménga? E poi dicono che il mondo è piccolo.. |
