Pier Flamigni
|
Pier Flamigni
Una mêşna int al spal. Int una lêrga ad tëra avêra cun e’ bulór zigh de’ bal dla Vèccia u s’arves un sintìr ch' e’ pôrta i pës vérs a una vita miglióra par sulevêla da e’ môrs dla mişeria ch'la péşa còm una mêşna int al spal. Un bastardìn’ Un bastardìn’ infagutê int la su’ pëla scura e’ sta d’astê' quajcadôn ch’u l’ajuta a crèsar in cla tëra seca arabida. Una burdëla la caména Una burdëla la camèna dri una muraja indó che la strê de’ su andê’ la s’aférma drì i su pì. Una spiagia d’apugês. Oman còt da e’ sól j’êlza la tësta a la luş cmè la bërca ch'la zérca una spiagia d’apugês. Nustalgì ch’l’ariva sôra a e’ barcôn’ Uomini disperati in braccio alla speranza J’ha ciapê la caléra cmè furmigh int la moccia a zintnêra şbarandlé in braz a la disperazion, int j’òcc u i brèla una gozla. Da dlà de mêr avstì ad strëz ad spirânza cun al dida ramascêdi ad frèd e’ côr in gola ch' e’ scvércia i pinsir, la disperazion la i segna una carżêda par cavês d’atórna e’ môrs dla mişéria. I ròba e’ rispir pr’una buchêda ’d vita cun la tësta ża pina ’d nustalgì. |
Pier Flamigni
Una macina sulle spalle In una landa sconfinata di terra avara con il bollore cieco del caldo afoso si apre un sentiero che porta i passi verso un vita migliore per sollevarla dal morso della miseria che pesa come una macina sulle spalle. Un bambino Un bambino infagottato nella sua pelle nera sta ad aspettare qualcuno che l’aiuti a crescere in quella terra arsa rabbiosa. Una Bambina cammina Una Bambina cammina vicino a un muro dove la strada del suo andare si ferma vicino ai suoi piedi. Una spiaggia per appoggiarsi. Uomini cotti dal sole alzano la testa alla luce come una barca che cerca una spiaggia per appoggiarsi. Nostalgia che arriva sopra il barcone Hanno imboccato la strada come formiche nel mucchio a centinaia scaraventati in braccio alla disperazione, negli occhi brilla una lacrima. Dal di là del mare vestiti di stracci di speranza con le dita rattrappite di freddo il cuore in gola che scoperchia i pensieri, la disperazione gli segna una strada per togliersi d’attorno il morso della miseria Rubano il respiro per una boccata di vita con la testa già piena di nostalgia. |
