Roberto Mercadini
Altri poeti:Loris Babbini
|
Roberto Mercadini
S'U-T CH'A-T DEGA? “S'u-t ch'a-t dega, pureina: l'aqua l'è aqua”: li la-s creid, post ch'a scriv al puešì, ch'u-m piša ad guardè e' mer. Mo me, e' mer… s'u-t ch'a-t dega… t'anemodi l'è sempra aqua, sol ch'u i n'é una gran masa. Li –a ne so miga me!- La i guerda cun un gost ch'e' pè ch'la-s l'épa da magnè. Mo li? Da guardè e' mer? La n'ha osi! E po, intent ch'a sem d'inveran, che andem a guardè e' mer… E d'insteda? Ch'u i piš ad guardè e' furmantòn? La-m strabiga travers i cantir: “Vieni, vieni! Guarda che bello!” Cioù, me a degh la verità: dal volti, ho enca paura. A mo ciòu, fa te che e' daga fora e' cuntadein: “S'a vniv a zarchè a qué!?” Ciòu, dal volti, un mež mat: u-t da dri s'e' furchel, e' dà la mola m'e' chen. S'a set te? Li la guerda, la guerda… Me a stagh a lè che… L'è che t'a-n pu gnenca scor! Ta-n pu gnenca scor, che me una volta a ciacareva –acsè- Li la-s met a rid, la-m ciota la boca s'una mena, la diš: “Senti il vento che scuote le spighe, senti come scrosciano: è una pioggia” L'è t'a-n pu gnenca scor, se no me a j'è gireb: Mo te dal volti, šgonda me, Romina… 'ci piò poeta te, ch'a ne me ch'a scriv al puešì, parché –cum'òi da dì- te t'è pasion in dal robi che mu me a m'u-n ven gnenca int la meint”. Cum'adès, so, ch'la guerda l'aqua ch'u i šbarlušla j'oc e l'è un gran pez che la n'u-m scor mo la fa boca da rid, e' pè ch'la-m dega: “Mo so, fam guardè un ent bišinin! Un ent bišinin, poch”. “Mo dì, guerda pu, pureina… s-t'a j'è chera… s'u-t ch'a-t dega… intent me ò fred!” |
Roberto Mercadini
Cosa vuoi che ti dica? “Che vuoi che ti dica, poverina: l'acqua è acqua”: lei si crede, posto che scrivo poesie, che mi piaccia guardare il mare. Ma io, il mare… che vuoi che ti dica… in fin dei conti non è che acqua, solo ce n'è un'enormità. Lei -non so mica, io!- Ci guarda con un gusto che pare se lo debba mangiare. Ma lei? Quanto a guardare il mare? E' instancabile! E poi, finché siamo in inverno, e andiamo a guardare il mare… e d'estate? Che gli piace guardare il frumento? Mi trascina per i campi: “Vieni, vieni! Guarda che bello!” Oh, io dico la verità: a volte ho anche paura. Ah ma oh, metti tu che se ne esce il contadino: “Cosa venite a cercare qui!?” Oh, a volte, un mezzo matto: ti insegue brandendo il forcale, scioglie il cane. Che ne sai? Lei guarda, guarda… Io me ne sto lì che… E' che non puoi neanche parlare! Non puoi neanche parlare, che io una volta chiacchieravo –così- Lei si mette a ridere, mi copre la bocca con la mano, dice: “Senti il vento che scuote le spighe, senti come scrosciano: è una pioggia” E' che non puoi neanche parlare, se no io glielo direi: “Ma tu a volte, secondo me, Romina… sei più poeta tu, di me che scrivo poesie, perché-come dire-tu ti appassioni a cose a cui io non penso neppure". Come adesso, su, che guarda l'acqua che le brilluccicano gli occhi ed è un gran pezzo che non mi parla ma sorride, sembra che dica: "Su, fammi guardare ancora un'attimo! Ancora un attimo, poco”. “Ma dì, guarda pure, poverina... se ti fa piacere… che ti devo dire… intanto io ho freddo!” |
