Sergio Lepri
|
Sergio Lepri
E’ temp E’ temp: sgònd, minèud, àuri, dè, ànn, tèmp ch’u s’ne va cmè un sbress, temp ch’ut dà mòdi ad cuntè i tu pass e ad mett insèn i tu pensìr, temp ch’e’ corr e temp ch’e’ pèr ch’un pasa mai, temp che t’po’ avdài bèn ogni vòlta che t’at met davènti un specc e t’vaid i segn ch’e’ làsa dè par dè alè sàura la tu faza. Te’ cov dal mèni E’ sàul ad fura e’ spaca i sass mo dròinta me un fred ch’um fa santoi tott giaz, i pensir i è ormai acsè lizir e pòch sichèur ch’is spaca e i dvènta znin cmè tint giarùl e i dvènta quési porbia ch’an riès piò a tratnì’ te’ cov dal mi do mèni. A zirch… A zirch d’avnoi a bichè’ garnèli ad furmantaun tla tu faldèda mo pèna t’zoir vèrs me òna dal tu ucèdi a scap cmè un pasarot tott spavantèd e arvenz acsè tott a boca sòta. Cmè du gazòtt A sem pròpria cmè chi du gazòtt puzed si rèmm ormai sech ad cl’èlbar senza piò foj, ogni tènt as pizghèm sota l’èla e a butèmn e’ bech in qua e in là fintènt che un po’ ad sfunèz da tònda un s porta a vulè’ vèja. Occ spalanchéd a guardè al novli che in èlt al s dà drì tra ad làu s’na gràn voja ad żughè a ciapès intènt che un rumàur liżir liżir u m’aroiva tagl’urèci l’è al foj ch’al s’è mèsi a racuntès tra ad lau ròbi ch’al n’à nisòna voja ad fèm capòi. Tòtt dèu culghèd è un stret ma cl’èlta senza ch’al vàula tl’aria tènti paroli pu, tòtt d’un bòt, lì ch’la m fà “Parché tott ste mond? Par fè pu còsa?” E me? Me, tott zet, a lè cmè un patàca. Dal vòlti u m’è tuchè ad żirè e’ mònd pr’avdài, santòi, capòi. Aparècc, machini, treni nèvi, autostrèdi, zità palaz ad vaidar, chèsi ch’al tuchéva e’ zil, muntàgni pini ad nàiva e giàz, aqua de mer ch’la n finéva mai. Pu a m so incòrt che tott l’éra ża dròinta at cla pala ‘d straz che la mi nòna da zin la m’avéva fat parchè a putès żughè. |
Il tempo. Il tempo: secondi, minuti, ore, giorni, anni, tempo che sfugge in un batter d’occhio, tempo che ti permette di contare i tuoi passi e di mettere assieme i tuoi pensieri, tempo che corre e tempo che sembra non passare mai, tempo che puoi ben vedere ogni volta che ti soffermi davanti a uno specchio e cogli i segni che lascia giorno per giorno lì sul tuo volto. Nell’incavo delle mani Il sole fuori spezza le pietre ma dentro di me un freddo che mi fa sentire come di gelo i pensieri ormai sono così leggeri e poco solidi che si spezzano e divengono piccoli come pietruzze divengono quasi polvere che non riesco più a trattenere nell’incavo delle mie due mani Cerco Cerco di venire a beccare chicchi di granturco nel tuo grembo ma appena volgi verso di me uno dei tuoi sguardi fuggo come un passero tutto spaventato e resto così del tutto a bocca asciutta. Come due uccelli Siamo proprio come quei due uccelli appollaiati sui rami ormai rinsecchiti di quell’albero senza più foglie, ogni tanto ci becchiamo sotto l’ala e volgiamo il becco qua e la fintanto che qualche rumore vicino non ci induce a volar via. |
